|
د مشرۍ د ډولو نو په اړه د
مالوماتو دلاسته راوړلو او د دوی د پیژندلو
ښه پیژندل شوې مفکوره د مدیریت چارچوب
Managerial
Gridدی
چې د مدیریت د پوهې د عالمانو رابرت بلیک او
جین موټن لخوا څو لسیزې د مخه وړاندې شوې وه.
د مدیریت دغه چارچوب د تیرو څیړنو په بنسټ
ترتیب شوې اود مشرۍ دوه مهمې ساحې چې هم دلاس
لاندې کار کوونکو په اړه غور او هم د تولید د
کیفیت او کمیت په اړه اندیښنه په بر کې نیسي.
دغه دواړه ساحې دلاس لاندې کار کوونکو او د
تولید د کیفیت او کمیت په اړه د مدیرانو
اندیښنه په ګوته کوي. مدیران باید د دغه دواړو
اندیښنو تر منځ توازن په پام کې ونیسي، مدیران
باید په یوه وخت کې د لاس لاندې کارکوونکو
خوشاله ساتلو په اړه سوچ وکړي اوهم باید د
تولید د کیفیت او کمیت د بازار د ارزښتونو
سره سمولو په اړه سوچ وکړي . ددغو دواړو ساحو
تر منځ باید کم توپیر مو جود دي ځکه چې د
تولید د کیفیت او کمیت د بازار د ارزښتونو
سره سمول یوازې هغه وخت شونې وي چې د یوې
ادارې د کارکوونکو مادي اومعنوي حیثیت خوندي
وي . مدیران باید تر ډیره حده د تولید د
کیفیت او کمیت ته د بازار د ارزښتونو سره
سمولو ته د کارکوونکو د تشویق له لارې او
ورسره د نیکې رویي د لارې پاملرنه وکړي. که
ټوله پاملره یو لوري ته وشي نو بل لوری زیانمن
کیږي. دا چې د یوې ادارې لویه موخه د تولید
اتو او خدمتونو وړاندې کول دي نومدیران باید
د ادارې د کارکوونکو د مادي اومعنوي حیثیت
دخوندي ساتلو له لارې او کارکوونکو د وړتیا د
لوړولو او د دوی د ګمارلو په مهال د اړونده
دندې دسرته رسولو په برخه کې د دوی د مسلکې
مهارت په نظر کې نیولو سره دغه موخې ته درسیدو
په لټه کې شي . د تولیداتو او خدمتونو کمیت او
کیفیت د لوړیدا موخه چې د هرې ادارې د سترو
موخو ځینې وي . دا ایجابوي چې کار باید وړو او
مسلکي اشخاصو ته وسپارل شي او د ګمارنې په
مهال شخصي اړیکې باید معیار ونه اوسي. مدیران
د مدیریت ددغه چارچوب په بنسټ مکلف دي چې تل
د تولید او خدمتونو د کیفیت او کمیت لوړولو ته
په شخصي اړیکو برتري ورکړي.
لوړه
لوړه  ټیټه
د پایلو ( تولید
اوخدمتونو د کیفیت په اړه اندیښنه)
د خلکو په اړه اندیښنه
د مدیریت چارچوب
مدیران باید د د تل لپاره د
اداري مو خو د لاسته راوړو په لټه کې شي نه
شخصي اړیکو د پاللو په لټه کې وي. بریالي
ادارې او دولتونه تل د مسلکي او وړو اشخاصو د
ګمارلو په لټه کې وي
تر څو خپلې موخې لاسته راوړي .
د مدیریت دغه چارچوب
کارکوونکو سره دمدیرانو چلند په لاندې اووه
مهمو عناصرو ویشي:
۱- تحلیلونه :
د عملي کولو پوسیله د تجربو
نه زده کړه کول چې څه ډول چلند او کړنې په
پایلو اغېزې درلودلای شي.
۲ـ نوښت: د شریکو
هلوځلو دسرته رسولو او خاصو کړنو تر سره کولو
لپاره کار کول
۳ـ پوښتنه کول :
پوښتنه کول د مالوماتو
پيدا کول، د پوهیدو لپاره یې از مایل
۴- تشویق:
د رویو او خیالاتو اظهار
۵ـ پریکړه کول:د
سرچینو، معیارونواو پریکړو د عملي کولو د
پایلو ارزول
۶- دشخړو د منځه وړل :
د نا رضایتۍ په مهال د شخړو د
منځه وړلو لپا ره د نورو سره بحث او کار کول
۷ـ نر مښت:
د ځنډ ستونزو او ناکامۍ په
وړاندې عکس العمل ښودل او په دی ځان پوهول چې
څه ډول دغه عوامل د پر مختګ وړتیا اغېزمنوي.
د مدیریت د چارچوب د مفکورې
له مخې د کارکوونکو سره ښه چلند هم د نو رو
اړینو توکو په څیر مهم دی. د مدیریت د چارچوب
د اووه عناصرو نه هر یويې د مطلوبې رویې د
مهارت مطالعه کولو سره سم د کارکوونکو سره
ښه رویه دیوې موخې په څیر مشاهده کولای شي چې
رویه څرنګه په دوی اغېزې لرلای شي. دوی باید د
بیلا بیلو تحلیلونو پوسیله ددی لپاره کار
وکړي. دوی باید په ازاده تو ګه وکولای شي
پریکړو کولو او د شخړو د منځه وړلو مهارت ته
وده ورکړي . د تولید او خدمتونو له پلوه دغه
او ددی په څیر نورې موضوعګانې محدودیتونه ګڼل
کیږي او په معموله توګه د تولید او خدمتونو
په وړاندې کولو کې د ځنډ سبب کیږي.
د مدیریت د چارچوب مفکوره نه
یواځې دغه موضوعګانې د بحث کولو جوګه کوي بلکه
د موخو په شکل یې هم اندازه کوي چې د پوهاوي
، د ښه والي ، تشویق او نوښت سبب کیږي.
|
